RC MACHA AKUTANA NA UJUMBE KUTOKA SERIKALI YA IRELAND NA SHIRIKA LA WORLD VISION.

Posted on: November 8th, 2024

Na. Paul Kasembo, SHY RS,

Mkuu wa Mkoa wa Shinyanga Mhe. Anamringi Macha amekutana na kufanya mazungumzo na ujumbe kutoka Serikali ya IRELAND wanaofadhili mradi wa NOURISH unaotekelezwa na Shirika la World Vision Tanzania ikiwa ni sehemu ya timu ya ufuatiliaji wa utekelezaji wa mradi wa NOURISH katika Halmashauri ya Wilaya ya Kishapu hapa Mkoani Shinyanga wenye lengo kupunguza umasikini na njaa hususani kwenye kaya zinazoongozwa na wanawake katika kata za Lagana, Ngofila na Mwamashele.

Akitoa salamu kwa Niaba ya Shirika la World Vision, Kiongozi mshirika wa Idara ya Mambo ya Nje ya Ireland Bw. Fearghal MacCarthaigh pamoja na kumshukuru sana Mkuu wa Mkoa wa Shinyanga, lakini pia amesema Shirika  la World Vision pamoja na Serikali ya Ireland wanatambua na kuthamini mchango wake ambao unawezesha kutekeleza mradi  huu kwa walengwa na kwamba tutaendelea kushirikiana na kufanya kazi kwa karibu na Serikali ili kuhakikisha lengo lililokusudiwa linafikiwa.

Shirika la World Vision Tanzania kwa kushirikiana na Serikali linatekeleza mradi wa NOURISH katika Wilaya ya Kishapu na Halmashauri ya Wilaya ya Kishapu wenye lengo la kupunguza umasikini na njaa kwenye maeneo ya miradi.