WAZEE, VIONGOZI WA DINI NA MACHIFU WAMSHUKURU MHE. RAIS DKT. SAMIA SULUHU HASSAN

Posted on: January 24th, 2024

Wazee, Viongozi wa Dini na Machifu Mkoa wa Shinyanga wamemshukuru sana Mhe. Rais. Dkt. Samia Suluhu Hassan kwa kuwaletea maendeleo ya kweli na ya haraka zaidi mkoani shinyanga. Haya yamebainishwa leo tarehe 24 Januari kwenye mkutano wa makundi hayo na Mhe. Mkuu wa Mkoa wa Shinyanga Mhe. Christina Mndeme

Katika mkutano huu, wazee kwa kauli moja wamesema wanamuunga mkono Mhe. Rais. Dkt. Samia Suluhu Hassan na kwamba wataendelea kushirikiana nae wakati wote na wala asiwe na shaka yoyote kuhusu Mkoa wa Shinyanga.

Kando na hayo, mkutano pia umejadilia suala ya mmomonyoko wa maadili kwa vijana ambapo hivi sasa wamefikia hatua ya kutumia madawa ya kulevya, ulevi na ukahaba wa hadharani jambo ambalo limepelekea wazee hao kutoa azimio la kumuomba Mkuu wa Mkoa kuwakamata wale wote wanaofanya biashara ya ukahaba.

Aidha, wazee, viongozi wa dini na machifu kwa kauli moja wamesema wanaridhishwa na kasi ya utendaji kazi wa Mkuu wa Mkoa wa Shinyanga Mhe. Christina Mndeme na hivyo wakatoa pongezi zao kwa umoja wao.

Kwa upande wake RC Mndeme amepokea pongezi za Mhe. Rais. Dkt. Samia Suluhu Hassan na akawaahidi kuwa atazifikisha huku akiwaeleza kuwa maelekezo na ushauri wote waliotoa ameupokea na uataufanyia kazi ukiwemo wa kuhakikisha wale wate wanaofanya biashara ya uhakahaba wanakamatwa na kufikishwa kwenye mikono ya Selikali.

Picha ikimuonesha Sheikh Mkuu wa Mkoa  wa Shinyanga Ndg. Ismail Makusanya akielezea jambo wakati wa mkutano