Balozi Seif Ally Idd aahidi kujengwa kwa barabara ya Kahama - Geita

Posted on: August 19th, 2019

Makamu wa Pili wa Rais wa Serikali ya Mapinduzi ya Zanzibar, Mhe. Balozi Seif All Idd amewaahidi wananchi wa Wilaya ya Kahama kuhakikisha mchakato wa ujenzi wa barabara ya Kahama – Geita kwa kiwango cha lami unakamilika na barabara hiyo kujengwa.

Mhe. Balozi ametoa ahadi hiyo leo katika kijiji cha Buganzo, kata ya Ntobo, Wilaya ya Kahama wakati akizungumza na wananchi kwenye ziara yake Mkoani Shinyanga.

Mbunge wa Jimbo la Msalala lililopo katika Wilaya ya Kahama Mhe. Ezekiel Maige akitoa salamu kwa Mhe. Balozi amemuomba kusaidia kukamilisha mchakato wa taratibu za Mkandarasi.

Mhe. Maige amesema barabara hiyo inayounganisha Mikoa ya Shinyanga na Geita ilishatengewa bajeti ya sh. Bilioni 22 isipokuwa, taratibu za Mkandarasi hazijakamilika.

Naye Mkuu wa Mkoa wa Shinyanga Mhe. Zainab Telack amemueleza Mhe. Balozi kuwa, Serikali ya awamu ya Tano imefanya mambo mengi ya maendeleo kwa kipindi cha miaka minne.