Mkoa wa Shinyanga kutengeneza sheria ndogo ya Afya ya uzazi

Posted on: June 3rd, 2019

Serikali ya Mkoa wa Shinyanga kwa kushirikiana na wadau wa masuala ya Afya na uzazi umeanza mchakato wa kuunda sheria ndogo za Mamlaka za Serikali za Mitaa kwa lengo la kumaliza tatizo la vifo vinavyotokana na uzazi.

Akiwasilisha mapendekezo ya sheria hizo mapema leo tarehe 03 Juni, 2019 katika kikao cha pamoja kilichofanyika kwenye ukumbi wa mikutano wa Ofisi ya Mkuu wa Mkoa, Katibu Tawala Msaidizi Afya Dkt. Rashid Mfaume amesema kuwa, mapendekezo hayo yatapitiwa na timu ya wataalamu wakiwemo wanasheria wa Mamlaka za Serikali za Mitaa na kufuata taratibu zote za kuunda sheria ndogo ili kuhakikisha wananchi na watendaji wote wanawajibika kuokoa maisha ya mama na mtoto.

Katika kikao hicho, timu ya wataalamu imeundwa ambapo baada ya wiki 3 rasimu ya kwanza ya sheria hiyo itawasilishwa kwa ajili ya kuendelea na mchakato.

                                                                                            Katibu Tawala wa Mkoa Bw. Albert Msovela akizungumza katika kikao hicho

                                                               Katibu Tawala Msaidizi Sehemu ya Afya Dkt. Rashid Mfaume akiwasilisha mapendekezo ya sheria ndogo katika kikao hicho