MWAITEBELE AMUAPISHA KATIBU TAWALA WILAYA YA KISHAPU NA MGANGA MKUU MKOA WA SHINYANGA

Posted on: October 25th, 2023

Na. Shinyanga RS

Katibu Msaidizi Ofisi ya Rais, Sekretarieti ya Maadili ya Umma Kanda ya Magharibi Ndg. Gerald A. Mwaitebele amewaapisha kiapo cha ahadi ya uadilifu kwa uongozi wa umma Dr. Yudas Ndungile ambaye ni Katibu Tawala Msaidizi Sehemu ya Huduma za Afya, Ustawi wa Jamii na Lishe Mkoa wa Shinyanga na Bi. Fatma Mohamed ambaye ni Katibu Tawala Wilaya ya Kishapu hafla iliyoshuhudiwa na Prof. Siza D. Tumbo ambaye ni Katibu Tawala Mkoa wa Shinyanga.

Akizungumza leo tarehe 25 Oktoba, 2023 mara baada ya tukio hili, Mwaitebele aliwaeleza kuwa kiapo hiki walihochopata kinawataka kwenda kuwa msaada kwa wananch wanaowahudumia huku akiwakumbusha kuwa cheo ni dhamana.

Kwa upamde wake Katibu Tawala Mkoa wa Shinyanga Prof. Siza Tumho aliwataka kwenda kutanguliza uzalendo, uadilifu na kuchapa kazi zaidi katika utumishi wao kwakuwa wameapa na kuaminiwa na Serikali.

Wakitoa neno la shukurani mara baada ya kiapo viongozi hao walisema, wamepokea nasaha, ushauri na maelekezo yote waliyopewa na kwamba wanakwenda kuyaishi katika utumishi wao ndani na nje ya ofisi zao.

Gerald Mwaitebele Katibu Msaidizi OR, Sekretarieti ya Viongozi wa Umma Kanda ya Magharibi

Katibu Tawala Mkoa wa Shinyanga Prof. Siza Tumbo

Mganga Mkuu Mkoa wa Shinyanga (kushoto) pamoja na Katibu Tawala Wilaya ya Kishapu (kulia) wakiapa