RC MACHA AWASHUKURU THPS KWA KUUNGA MKONO JUHUDI ZA SERIKALI

Posted on: June 19th, 2024

Na. Paul Kasembo, SHY RS.

MKUU wa mkoa wa Shinyanga Annamringi Macha amekabidhiwa samani za ofisi 397 na Shirika la Tanzania Health Promotion  and Support (THPS)  kupitia  mradi wa Afya hatua unaofadhiliwa na mpango wa dharura wa Rais wa Marekani wa kupambana na Maambukizi ya virusi vya Ukimwi na Kifua Kikuu (PEPFAR), Kupitia kituo cha kudhibiti Magongwa (CDC) Tanzania huku akiwapongeza na kuwashukuru kwa kuunga mkono juhudi za Serikali katika Sekta mbalimbali ikiwemo Afya.

Macha amepokea samani hizi tarehe 19 June, 2024 hafla iliyofanyika katika Hospitali ya Manispaa ya Shinyanga huku akizitaja samani hizi kuwa ni Kabati za kutunzia Mafail, viti, Meza, Benchi za kukaa wagonjwa wakisubiri huduma, kabati ya kuhifadhia dawa zote zikiwa na thamani ya shilingi 295,326,860.

"Nwashukuru sana THPS kwa kuunga mkono juhudi za Serikali katika Sekta mbalimbali ikiwemo Afya jambo ambalo litaboresha utoaji wa huduma kwa wananchi wetu wa Shinyanga na maeneo jirani,"amesema RC Macha.

"RC Macha amesema  vifaa hivi vinatakiwa kutunzwa hata mgonjwa akija akaa sehemu nzuri kusubiri matibabu itakuwa vizuri na nakuona  ahueni kwake  nawaomba  kusiwepo eneo la kurundika vifaa hivi kuwa chakavu  vitunzwe na watumishi wasife moyo kutekeleza majukumu yao hata kama wachache," RC Macha amesisitiza.

Kwa upande wake Meneja mradi afya hatua kutoka THPS  Mkoa wa Shinyanga Dr. Amos Scott  akisoma  hotuba mbele ya mgeni rasmi na kukabidhi Samani za hospitali amesema hadi kufikia mwezi Machi 2024  wamefikiwa wataalamu ambao wapo kwenye vitengo vya Famasia, Maabara na takwimu ya jumla yao ni 92 na kuwafikia wapokea huduma za tiba na matunzo 70,089.

HABARI PICHA