RC MNDEME AUNGANA NA WAISLAM MKOA WA SHINYANGA KWENYE MAULID YA KUZALIWA KWA MTUME MUHAMMAD ( SAW) KATIKA MSIKITI MKUU WA IJUMAA A

Posted on: March 3rd, 2024

Na. Shinyanga RS.

MKUU wa Mkoa wa Shinyanga Mhe. Christina Mndeme amejumuika na Waumini wa Kiislam Mkoani Shinyanga katika Maulid ya Mtume Muhammad (SAW) iliyofanyika katika Msikiti Mkuu wa Ijumaa ambapo alipata wasaa pia wa kueleza umma juu ya mafanikio yanayoletwa na Rais wa Jamhuri ya Muungano wa Tanzania Dkt. Samia Suluhu Hassan.

Kwa upande wa viongozi wa dini, Masheikh wakiongozwa na Sheikh Mkoa wa Shinyanga Sheikh Ismail Makusanya walimuombea Dua Rais Dkt. Samia Suluhu Hassan ili aendelee kuwaongoza vema na kuwaletea maendeleo ya kweli watanzania wote kama yanavyojidhihirisha hapa Shinyanga kupitia Sekta mbalimbali.

Aidha pia, walimuombea pumziko la amani Hayati Mzee Ali Hassan Mwinyi, aliyekuwa Rais wa Awamu ya pili wa Jamhuri ya Muungano wa Tanzania aliyefariki tarehe 29 Februari, 2024 na kupumzishwa kwenye nyumba ya milele tarehe 2 Machi, 2024 visiwani Unguja.

Na tarehe 4 Machi, 2024 kutafanyika Ibada maalum ya kumiombea Hayati Mzee Ali Hassan Mwinyi katika Uwanja wa Sabasaba uliopo Manispaa ya Shinyanga.

HABARI PICHA

Picha ikimuonesha Sheikh Mkuu - Mkoa wa Shinyanga Ndg. Ismail Makusanya wakatiwa Maulid