TUMIENI RASILIMALI ZINAZOTUZUNGUUKA KUKUZA UCHUMI - RC MACHA

Posted on: September 17th, 2024

Na. Paul Kasembo, SHY RS.

MKUU wa Mkoa wa Shinyanga Mhe. Anamringi Macha amewataka wananchi wa Mkoa wa Shinyanga kuzitumia vema rasilimali zinazotuzunguuka katika maeneo yetu ili kuweza kuchechemua uchumi mtu binafsi, familia, Mkoa na Taifa kwa ujumla hjku akisisitiza kuwa kwa kutekeleza hili watakuwa wameishi na kumuunga mkono Mhe. Rais Dkt. Samia Suluhu Hassan kupitia Imatisha Uchumi na Mama Samia (IMASA) ambayo ipo chini ya Baraza la Uwezeshaji  Wananchi Kiuchumi.

Akifafanua rasilimali zinazotuzunguuka ni pamoja na Kilimo, Ufugaji pamoja na Uchimbaji wa Madini ili kuweza kuongeza thamani ya mnyororo kupitia rasilimali hizi huku akisisitiza uanzishwaji wa hata kiwanda kidoho cha kuzalisha na kiongeza thamani ya maziwa katika Mkoa wa Shinyanga ukizingatia tunao ng'ombe wengi sana kulinganisha na maeneo mengine.

"Niwaombe sana wananchi wa Mkoa wa Shinyanga twende kuzitumia vema rasilimali zote tulizonazo katika maeneo yetu ili tuweze kwenda na kuishi falsafa ya Imarisha Uchumi na Mama Samia ambayo imekuja kuinua uchumi wetu kupitia fursa tulizonazo sisi," amesema RC Macha.

Kwa upande wake Bi. Sophia Mjema ambaye Mratibu wa Mabaraza la Uwezeshaji Wananchi Kiuchumi kutoka Ofisi Rais Wanawake na Makundi Maalum amesema kuwa Serikali imeanza kuimarisha  majukwaa ya  Uwezeshaji  Wananchi Kiuchumi hapa nchini  kwa kuanzisha program ya  Imarisha Uchumi na Mama Samia (IMASA).

Haya yote yakiwa na lengo kuu ni kuitambulisha programu hii, kuyafufua majukwaa uwawezesha wananchi kiuchumi kupitia vikundi ili waondokane na umasikini na kuingia katika uchumi wa kati kwa kufanya mapinduzi ya kiuchumi kwa kuhakikisha kunakuwa na bidhaa zinazeweza kuendeleza mkoa husika.