VIONGOZI WA KANISA LA MORAVIAN MKOA WA SHINYANGA WAJITAMBULISHA KWA RC MACHA

Posted on: August 7th, 2024

Na. Paul Kasembo, SHY RS.

MKUU wa Mkoa wa Shinyanga Mhe. Anamringi Macha amekutana na Viongozi wa Kanisa la Moravian Mkoa wa Shinyanga wakiongozwa na Mchungaji Jonas Ludonya akiwa ameambatana na Mchungaji Upendo Kilongozi na  Christian Malela (Mch) ambapo pamoja na wao kujitambulisha kwake lakini pia wamemkaribisha sana mkoani Shinyanga huku wakimuahidi ushirikiano wao wakati wote.

Kwa upande wake RC Macha amefurahi kukutana nao na kuwakaribisha zaidi wakati mwingine ofisini kwake huku akisema kuwa Serikali inathamini, inaheshimu na kutambua kazi zinazofanywa na madhehebu ya dini ikiwemo Kanisa la Moravian na kwamba itaendelea kushirikiana nao wakati wote kwa muktadha wa kuwahudumia wananchi ambao kimsingi madhehebu ya dini na Serikali wanamhudumia ambaye ni mwananchi.

@sizatumbo #shinyanga_rs